អគ្គិភ័យឆេះបំផ្លាញផ្ទះប្រជាពលរដ្ឋ និងឃ្លាំងស្តុកមីសួរ៤ខ្នង នៅសង្កាត់បឹងទំពុន
27-January-2016 | ដោយ មួយឡា
ភ្នំពេញ៖ គ្រោះអគ្គិភ័យដែលបានឆាបឆេះ ផ្ទះរបស់ប្រជាពលរដ្ឋនិងឃ្លាំងស្តុកមីសួរ ស្តុកខោទឹកនោម ស្ថិតនៅតាមផ្លូវលេខ ៣៧១ សង្កាត់បឹងទំពុន ខណ្ឌមានជ័យ បានរលត់ទៅវិញហើយ នៅវេលាម៉ោងប្រមាណ៣និង៣០នាទី រសៀលថ្ងៃទី២៦ ខែមករា ឆ្នាំ២០១៦នេះ ក្រោយកម្លាំងអាជ្ញាធរ កម្លាំងសមត្ថកិច្ចនិងរថយន្តពន្លត់អគ្គិភ័យ បើកប្រតិបត្តិការ ជួយបាញ់ពន្លត់ភ្លើងរយៈពេលជាងមួយម៉ោងមកនេះ ។
លោក ឌី រ័ត្នខេមរុណ អភិបាលរងខណ្ឌមានជ័យ ដឹកនាំកម្លាំងទៅជួយអន្តាគមន៍ ករណីអគ្គិភ័យនេះ បានប្រាប់ឲ្យដឹងថា មកដល់ម៉ោង៣និង៣០នាទី យើងអាចគ្រប់គ្រងបានហើយ។ ភ្លើងបានឆេះផ្ទះចំនួន៤ខ្នង ក្នុងនោះផ្ទះចំនួន២ខ្នងត្រូវបានឆេះបំផ្លាញទាំងស្រុង និង២ខ្នងទៀតឆេះអស់៥០ភាគរយហើយ នៅពេលនេះរថយន្តពន្លត់អគ្គិភ័យកំពុងបន្តបាញ់ឲ្យរលត់ទាំងស្រុងនៅក្នុងឃ្លាំងស្តុកទុកខោទឹកនោម»។
លោកអភិបាលរងខណ្ឌ បានបញ្ជាក់ថា ជាការសន្និដ្ឋាននោះ គឺភ្លើងចាប់ផ្តើមឆេះចេញពីផ្ទះ បើកម៉ាស្សាកោសជប់ ដែលអាចបណ្តាល មកទុស្សេខ្សែភ្លើង។ សម្រាប់ប្រតិបត្តិការពន្លត់គ្រោះអគ្គិភ័យនេះ កម្លាំងសមត្ថកិច្ចបានប្រើរថយន្តពន្លត់អគ្គិភ័យជាង១០គ្រឿង និងដឹកទឹកមកបាញ់ពន្លត់អស់ប្រមាណ២០ជើង។ យ៉ាងណាក៏ដោយ ទំហំនៃការខូចខាតនោះនៅមិនទាន់ដឹងច្បាស់នៅឡើយទេរង់ចាំអាជ្ញាធរ និងសមត្ថកិច្ច សួរនាំសិន។
សូមបញ្ជាក់ថា អគ្គិភ័យខាងលើនេះបានកើតឡើងតាំងពីម៉ោងប្រមាណ២រសៀល ថ្ងៃ ២៦ ខែ មករា ឆ្នាំ ២០១៦ ម្សិលមិញនេះ៕ ដោយមែនកំសត់
ចំនួនអ្នកទស្សនា
- ថ្ងៃនេះ6521
- ម្សិលមិញ15191
- សប្តាហ៍នេះ49671
- ខែនេះ71551
- ឆ្នាំនេះ71551
- សរុប20514007